Прокељ со прелив од павлака

Прокељот обично само го пропржувам на путер околу 4-5 минути на средна температура и толку. Одозгора посипувам некогаш семиња, и така е убаво. Сега го јадев навечер и направив еден дип од павлака со зачини и сушен лук, па го сипав врз него. Испадна одлично.

Измијте го прокељот (јас искористив пола кесичка, т.е. некои 300-350 грама) и сечете на половинки/четвртинки. На растопен путер (поголема коцка, барем 20 грама) со малку масло на средна тепрература пропржете го прокељот околу 5 минути. Зачинете по вкус (кај мене е само морска сол и бибер).

За дипот разматете малку павлака и во неа додадете сушен лук, оригано, бибер, сол, сушен магдонос. Малку нека се излади прокељот па сипете го дипот, а врз ова може и пармезан/кашкавал.